Muling magsasagawa ng panibagong malawakang kilos-protesta kontra korapsyon at political dynasty ang ilang grupo sa June 28.
Tinawag nila itong "White Ribbon March" na gaganapin sa EDSA People Power Monument.
Batay sa isinagawang pagpupulong, pangungunahan ang pagkilos ng Inter-Religious Leaders Council for National Transformation (IRLCNT) at White Ribbon Movement (WRM).
Makikiisa rin dito sina Bishop Colin Bagaforo at Bishop Efraim Tenedero, gayundin ang iba pang lider ng iba pang religious groups.
Ayon kay Bagaforo, pagpapatuloy ito ng mga nasimulan ng Trillion Peso March na magpapakita sa galit ng taumbayan laban sa political dynasty at nangyayaring katiwalian sa pamahalaan.
