Pormal nang nag-anunsyo si Manila Mayor Isko Moreno Domagoso na walang pasok sa lahat ng antas ng paaralan sa mga pampubliko at pribadong paaralan sa lungsod dahil sa inaasahang paglipat ng mga miyembro ng Iglesia ni Cristo sa Liwasang Bonifacio para ipagpatuloy ang kilos-protesta.
Ayon sa alkalde, ang naturang hakbang ay ginawa upang matiyak ang kaligtasan ng mga residente sa lugar.
Iginiit rin niya na kinikilala ng Pamahalaang Lungsod ng Maynila ang karapatan ng bawat-isa sa malayang pamamahayag lalo't higit kung ginagawa ito sa wastong lugar kagaya ng Liwasang Bonifacio na isang freedom park.
Nangako rin ang Manila LGU na makikipagtulungan sila upang mapanatili ang kaayusan sa nasabing aktibidad.
