Pinangunahan ni Cavite 4th District Rep. Kiko Barzaga ang isang kilos-protesta sa tapat ng Dasmarinas Village at Forbes Park Village kagabi bilang pagpapahayag umano ng galit ng taumbayan laban sa mga tiwaling opisyal ng pamahalaan.
Ayon kay Barzaga, hindi umano laban sa mga residente ng Forbes Park ang kanilang pagkilos, kundi laban sa mga magnanakaw sa gobyerno na nakatira rito, kabilang sina House Speaker Martin Romualdez at Ako Bicol Rep. Zaldy Co.
Dumagsa ang mga ralyista sa Buendia Gate ng Forbes Park habang mabilis ding dumami ang mga pulis na nagpatupad ng mahigpit na seguridad, sa pangunguna ni DILG Sec. Jonvic Remulla.
Ayon sa PNP, naging mapayapa ang sitwasyon ngunit patuloy nilang binabantayan ang kilos-protesta upang matiyak ang kaligtasan ng publiko.
Bago ito, nagdaos ng kilos-protesta ang iba’t ibang grupo sa Plaza Rajah Sulayman, Malate, Maynila kahapon bilang panawagan na labanan ang korapsyon sa Pilipinas.
Sa pangunguna ng United People’s Initiative, kasama din sa panawagan ng mga grupo ang pagbibitiw sa pwesto ni
Pangulong Marcos Jr.
