Unti-unti nang nakakabangon ang aktres at singer na si Maris Racal mula sa kinakarap niyang kontrobersiyal.
Ito'y matapos niyang masangkot sa isa sa pinakamalaking isyu noong 2024, dulot ng cheating allegation ng ex-girlfriend ng ka-loveteam niyang si Anthony Jennings.
Sa kabila ng mga pinagdaanan niyang isyu noong nakaraang taon, sinabi ni Maris na nananatili silang professional ni Anthony.
Kahit magsakasama sila sa isang proyekto, sinabi ni Maris na sinisiguro nilang dalawa na bawat eksena ay ibinibigay nila ang lahat ng kanilang makakaya at isinasantabi ang personal nilang pinagdaraanan.
Aminado si Maris na isa sa pinakamalaking dagok na nangyari sa kanya ang isyung kinasangkutan niya noong 2024, kung saan pinaratangan siyang third party sa relasyon ni Anthony at ex nitong si Jam Villanueva.
Pag-aamin ng aktres na bukod sa kaniyang showbiz career, labis din daw na apektuhan ang kaniyang mental health.
Bunsod nito, minabuti raw ni Maris na mag-focus sa kaniyang ispiritwal na aspeto ng kanyang buhay at mag soul searching para muli siyang makapagpatuloy sa hinaharap.
Sa kabila ng mga isyu nila ni Anthony sinabi ni Maris na nanatili silang magkaibigan ng aktor.
