Pinagmumulta ng Department of Labor and Employment ng mahigit P11 milyon ang may-ari at contractor ng gumuhong gusali sa Angeles City, Pampanga.
Ayon kay Labor Secretary Francis Tolentino, kabilang sa pinatawan ng multa si Ernest Jacson Lim at ang Golden Years Construction and Steel Works Corporation.
Mahigit P1.7 milyon ang multa para sa labor standards violations, habang mahigit P10 milyon naman ang administrative fine dahil sa umano'y sadyang paglabag sa occupational safety and health standards sa ilalim ng Republic Act 11058.
Matatandaang noong Mayo 24, bandang alas dos ng madaling araw, gumuho ang itinatayong siyam na palapag na gusali sa Barangay Balibago.
30 katao ang nasawi sa insidente habang ilan pa ang nasugatan.
