Naging makulay ang seremonya sa pag-iisang dibdib ng Mexican Mayor na si Daniel Gutierrez at kaniyang bride na buwaya na si Princess girl.
Tulad ng tradisyon na kasal, nakasuot din ng wedding gown at may mga palamuti pa sa katawan ang bride.
Mayroon ding sayawan sa seremonya at siyempre may pa-first kiss pa si Mayor sa kaniyang bride.
Mahigit dalawang siglo na raw itong tradisyon ng indigenous group sa bayan ng San Pedro Huamelula sa Mexico.
Ritwal marriage daw ito para magbigay ng kasaganahan sa kanilang bayan.
Ang pag-iisang dibdib daw kasi ng tao at buwaya ay kultura para komunekta sa kalikasan.
Ayon sa lokal na kaugalian, ang “kasal” ay mahalaga para sa pagtiyak ng magandang ani at masaganang pangingisda.
