Personal na ininspeksyon ni Pangulong Ferdinand Marcos Jr. ang rehabilitasyon ng Metro Cebu Expressway Segment 3A sa Naga City, Cebu na napinsala matapos ang landslide noong 2023.
Naantala ang konstruksyon ng proyekto noong 2024 dahil sa mga safety concern at environmental issues.
Ayon sa Pangulo, maaari nang madaanan ang naturang kalsada simula ngayong araw habang tinatapos ang mga karagdagang slope protection measures upang maiwasan ang panibagong pagguho ng lupa.
Sinabi rin ni Pangulong Marcos na mahalaga ang pagbubukas ng kalsada lalo na para sa mga manggagawa at negosyo sa lugar na umaasa rito para sa kanilang pang-araw-araw na byahe.
Dagdag pa ng Pangulo, pinalawak ng pamahalaan ang proyekto mula sa orihinal na dalawang lane ay ginawa itong apat na lane.
Anya, makatutulong ito upang manatiling bukas ang bahagi ng kalsada para sa mga motorista sakaling magkaroon muli ng pagguho ng lupa sa hinaharap.
Kapag ganap nang natapos ang rehabilitasyon ng 4.55-kilometrong expressway segment, inaasahang mababawasan ang travel time mula Barangay Pangdan patungong Naga Valley Industrial Park mula sa dating 25 mins ay magiging 10 minuto na lamang.
