Ipinagbawal na ng Australia ang paggamit ng social media ng mga batang wala pang 16 taong gulang.
Obligado ngayon ang mga platform tulad ng Facebook, Instagram, X, TikTok at YouTube na mag-verify ng edad ng users at kapag nabigong harangin ang under-16 users, maaari silang pagmultahin ng hanggang 49.5 milyon Australian dollar.
Layunin ng batas na protektahan ang kabataan mula sa harmful content, cyberbullying at iba pang online risks.
Sa Pilipinas, may kaparehong panukala si Sen. Panfilo Lacson na magbabawal naman sa mga below 18 na magkaroon ng social media account.
Pero ayon sa mga kritiko, may ilang problema ang ganitong ban dahil posibleng mapunta ang mga bata sa mas delikadong, hindi mino-monitor na websites. at maaari rin itong ituring na paglabag sa karapatan ng kabataan na magkaroon ng access sa impormasyon at komunikasyon—lalo na’t malaking bahagi na ng pag-aaral at social life ang internet.
Isa pang malaking hamon ang age verification dahil maraming minors ang madaling nakalulusot gamit ang pekeng impormasyon, kaya duda ang ilan sa magiging epektibo ng batas.
