Pangungunahan ng Department of Education (DepEd) ang intervention para sa mga mag-aaral at guro na apektado ng school shooting incident sa San Jose National High School.
Ayon kay Social Welfare Secretary Rex Gatchalian, nag-organisa na ng multiple session ang DepEd, at tutulong dito ang Department of Social Welfare and Development (DSWD) at Department of Health (DOH).
Magkakaroon umano rito ng psychosocial decompression, at trauma management.
Maliban diyan ay nakipag-partner din aniya ang DSWD sa Ateneo School of Psychology upang makapagbalangkas ng pangmatagalang programs para sa mga biktima.
Mababatid na kamakailan ay may 2 menor de edad na namaril sa isang paaralan sa Tacloban City, dahilan kung bakit namatay ang 3 estudyante.
Naghain na ng criminal complaint ang Police Regional Office 8 (PRO 8) laban sa 15-year-old student na sangkot sa insidente.
