NAGA CITY – Nabibigyan naman kaagad ng paunang lunas o first aid ng mga medical personnel ang mga estudyanteng hinimatay sa katatapos pa lang na 14th Bicol Regional Military Parade Competition, kahapon araw ng Biyernes sa Naga City, ayon kay Magno Reyes, RN, head ng Mental Health Division ng City Health Office na kabilang sa medical team.
Ipinaliwanag ni Reyes sa naging panayam ng Brigada News FM Naga ang ilang mga dahilan kung bakit hinihimatay ang mga estudyante, ito’y dahil na rin sa pinagsama-samang puyat, pagod, gutom at excitement ng mga ito na madali namang mabigyan ng atensyon medical.
Anya’y karamihan sa mga hinihimatay ay iyong nasa exit area na o kaya iyong dumaan na sa reviewing stand kaya hindi na gaanao napapansin ng mga nanonood, lalo na ng mga hurado na nakabantay mula pa sa starting area ng parada.
