Kinumpirma ni Senador Ping Lacson na maaring makasuhan tulad ng cyberlibel at iba pang krimen ang mga taong nakilahok sa tinatawag niyang 'bogus flood control hearing' nitong Huwebes.
Ayon kay Lacson, wala rin ni sino man sa mga ito ang pupwedeng gumamit ng 'parliamentary immunity' kahit na ang mga senador na present dito.
Maalala, ang tinutukoy na pagdinig ng senador ay ang flood control hearing na ikinasa ng komite ni Senadora Pia Cayetano na dinaluhan naman nina Senate President Alan Cayetano, Senador Robin Padilla, Senador Rodante Marcoleta at Senadora Imee Marcos.
Samantala, ang labingwalong nagpakilalang ex-marines at ang abugado naman nilang si Atty. Levi Baligod ang nagsilbing testigo sa pagdinig.
Sa kabilang banda, sinabi ng senador na maari lang mapawalang bisa ang naging hakbang ng kanilang New Majority Bloc na pagpapalit ng liderato kung babaligtarin ng Korte Suprema ang naging desisyon sa kasong Avelino vs. Cuenco.
