Banga an opinyon kan mga nagkapirang magurang sa Albay katakod kan pantatangkas kan Department of Education sa academic awards para sa Grades 1-3.
Segun kay nanay Phenny, dae sya uyon na hinali an academic awards urog nang nagtatao ini nin inspirasyon asin motibasyon sa pag-inguha kan saiyang aki. Naglalaom kaya na sa pagtatapos kan klase, igwa nin mareresebing onra.
Mientras tanto, para man kay nanay Judith, tama man na tawan muna nin nin atensyon an pag-uugali asin development nin sarong aki kaysa pagtatao nin numerical ranking urog naman ngunyan na ibang-ibang na an ugali kan mga estudyante.
Magigirumduman, minawot kan DEPED na halion an pagtatao nin siring na award nganing maibitaran an amay na kumpetisyon asin matutukan an progreso kan kada estudyante.
