Naniniwala si retired Supreme Court Associate Justice Antonio Carpio na hindi dapat isama sa bilang ng mga boboto sa Senado ang mga mambabatas na nasa detention, lalo na sa mga usaping procedural tulad ng impeachment trial.
Ayon kay Carpio, malinaw sa batas at sa mga naunang desisyon ng Korte Suprema na ang isang opisyal na nakakulong sa non-bailable case ay hindi itinuturing na aktibong humahawak ng posisyon, kaya’t hindi rin dapat bumoto.
Sa ganitong konteksto, sinabi niyang hindi dapat maisama si Sen. Jinggoy Estrada sa pagkuwenta ng two-thirds vote requirement sa Senado.
Gayunman, nilinaw niyang iba ang sitwasyon ni Sen. Bato Dela Rosa dahil hindi naman ito nasa detention, kaya’t maaari pa rin itong maisama sa bilang ng mga botante.
Binigyang-diin ni Carpio na mahalagang malinaw ang ganitong mga panuntunan upang maiwasan ang kalituhan sa mga proseso ng Senado at masigurong naaayon sa batas ang mga desisyon ng institusyon.
