Umabot sa 36 ang kabuuang bilang ng mga naputukan sa Bicol Region bago pa man sumapit ang New Year.
Ito ang naitalang mga kaso sa rehiyon base sa fireworks-related injuries monitoring ng Department of Health Bicol mula Disyembre 21-31, 2024.
Sa pinakahuling tala noong Disyembre 31, nakapagtala ang ahensya ng 21 bagong kaso, kung saan pinakamarami rito ay ang Albay at Camarines Sur na parehong may siyam, sinundan ng Camarines Norte na may walo, pito sa Legazpi City, tatlo sa Naga City, habang nananatiling zero sa nalalabing lalawigan.
Five-star naman ang nangunguna sa mga ginamit ng mga biktima na mayroong 11, sunod ang improvised boga na mayroong siyam, sinundan ng kwitis na may walo, tigdalawa sa lucis at whistle bomb habang isa sa bawang.
Hindi pa inaalis ng ahensya ang posibilidad na madagdagan pa ang nasabing mga kaso.
