Pormal nang lumagda sa isang kasunduan ang Department of Justice (DOJ) sa pakikipagtulungan ng isang e-wallet platform upang palawakin ang access sa serbisyong pinansyal para sa mga refugees sa Pilipinas.
Layunin ng inisyatiba na hindi lamang kilalanin sa batas ang mga persons of concern o POC kundi mabigyan din sila ng pagkakataong maging bahagi ng ekonomiya at lipunan.
Ayon sa DOJ, mahalaga ang financial inclusion sa kasalukuyang panahon dahil dito nakasalalay ang kakayahan ng isang indibidwal na tumanggap ng kita, magsagawa ng transaksyon, makapag-ipon, at masuportahan ang kanilang pamilya.
Sa ilalim ng kasunduan, inaasahang mabibigyan ng mas madaling access ang mga refugees sa digital financial services habang tinitiyak ang pagsunod sa umiiral na batas at regulasyon.
Itinuturing din itong kauna-unahang uri ng pakikipagtulungan sa pagitan ng pamahalaan at pribadong sektor para sa ganitong layunin.
