Nakagawa ang mga scientist sa Japan ng makabagong device na kayang mag-record at mag-playback ng panaginip, gamit ang kombinasyon ng brain imaging at artificial intelligence (AI) upang mas mapag-aralan ang misteryosong mundo ng panaginip.
Base sa mga ulat, isinagawa ang pag-aaral sa ATR Computational Neuroscience Laboratories sa Kyoto sa pangunguna ni Professor Yukiyasu Kamitani.
Gumamit sila ng functional magnetic resonance imaging (fMRI) upang maitala ang aktibidad ng utak habang natutulog ang mga boluntaryo.
Sa pamamagitan ng pagsusuri sa brain scans at pagbuo ng database ng mga imahe na tumutugma sa brain patterns, naabot ng mga siyentipiko ang 60% accuracy sa pagtukoy ng nilalaman ng panaginip — at umabot ng higit 70% para sa mga partikular na imahe.
Bagaman nasa maagang yugto pa ng pagde-develop ang teknolohiyang ito, naniniwala ang mga eksperto na maaari itong magbukas ng bagong kaalaman tungkol sa emosyon, kamalayan, at mga karanasang bumubuo sa ating panaginip.
