Mariing pinabulaanan ni dating AnaKalusugan Representative Mike Defensor na humingi o tumanggap siya ng anumang pabor bilang kapalit ng donasyong ibinigay niya sa kampanya ni Senador Rodante Marcoleta noong 2025 midterm elections.
Binigyang-diin ni Defensor na hindi maaaring maituring na plunder ang naturang donasyon.
Paliwanag pa ng dating mambabatas, ang nasabing campaign donation ay naibasura na ng Commission on Elections (COMELEC) at para aniya masabing plunder ay kailangang may pondong galing sa gobyerno na ninakaw, o kaya naman ay may ibinigay na pera kapalit ng isang pabor.
Kung maalala, nahaharap si Senator Marcoleta, Defensor at dalawa pang indibidwal sa mga reklamong plunder at indirect bribery na isinampa sa kanila ng mga prosecutor ng Ombudsman.
