Nahuli na ng Manila Police District ang lalaking nanlilimos at nanunutok ng ice pick sa mga pasahero sa isang jeep sa Maynila.
Nahaharap siya sa kasong illegal possession of deadly weapon, ngunit ayon sa Intelligence Division Chief ng MPD na si PLtCol. John Guiagi, maari pang madagdagan ang kanyang kaso sakaling magsumbong ang iba pang biktima.
Lumabas sa imbestigasyon na madalas umanong gawin ng suspek ang pananakot sa loob ng jeep, kung saan pumipili ito ng mga babaeng pasahero bago sumabit at mamalimos.
Patuloy na inaanyayahan ng pulisya ang iba pang nakaranas ng panghaharas ng suspek na lumapit at magsampa ng reklamo upang mapanagot ito sa kanyang mga ginawa.
