Inaasahang mas mabilis nang huhupa ang pagbaha sa Maynila kasunod ng pagbubukas ng Sunog Apog Pumping Station sa Tondo na natengga ng anim na taon.
Sa ilalim ng direktiba ni Pangulong Ferdinand Marcos Jr., muling napagana ang pumping station sa loob lamang ng anim na buwan sa pangunguna ng Department of Public Works and Highways (DPWH).
Sa tulong ng mga flood pump, sinabi ni DPWH Sec. Vince Dizon na nakikitang mabilis ding huhupa ang baha sa ilang pang lugar sa Metro Manila, kabilang ang España, Sampaloc, Rizal Avenue, Maria Clara, at iba pang bahagi ng Quezon City.
Bahagi ang Sunog Apog Pumping Station ng Blumentritt Interceptor System na mahalaga sa flood control ng Metro Manila.
