Iginiit ni Senador Ping Lacson na ipinapakita lang ng naging pag-cheer at pagpalakpak ng publiko kay Senador Win Gatchalian sa naging Independence Day Rites na tanggap na nila at aprub sa kanila ang pagiging SP Pro Tempore nito.
Sa naging rites, maalalang kinilala ni Pangulong Ferdinand Marcos Jr. si Gatchalian bilang bagong SP Pro Tempore o Acting SP.
Kaugnay nito, naniniwala si Lacson na wala ng dapat pang pag-usapan o maging isyu hinggil dito.
Kamakailan, una nang sinabi ng senador na hindi na dapat malito pa ang mga empleyado ng Senado kung sino ang dapat nilang sundin sa pagitan nina Gatchalian at Senador Alan Cayetano.
Anya, pansin naman na hindi na dapat malito ang mga ito bilang si Gatchalian na ang kinikilalang lider ng iba't ibang institusyon katulad ng Malacañang at Kamara.
