Umakyat na sa 17 ang napaulat na nasawi dahil sa epekto ng habagat na pinalakas ng Bagyong Inday.
Ayon kay OCD Assistant Secretary Bernardo Rafaelito Alejandro IV, karamihan sa mga nasawi ay mula sa Malapatan, Sarangani, habang lima ang naitala sa Lanao del Sur at dalawa sa Bukidnon.
Mayroon ding mga iniulat na nawawala na patuloy pang bina-validate ng mga awtoridad.
Pagguho ng lupao landslide ang pangunahing sanhi ng karamihan sa mga naitalang nasawi, partikular sa Sarangani.
Ayon pa kay Alejandro, umabot na sa 112,000 pamilya ang direktang naapektuhan ng sama ng panahon.
Sa bilang na ito, mahigit 2,900 pamilya o halos 11,000 indibidwal ang pansamantalang nananatili sa mga evacuation centers
Samantala, sinabi ng OCD na may nakaimbak na 4.7 milyong family food packs ang Department of Social Welfare and Development o DSWD sa iba't ibang bahagi ng bansa, habang naka-red alert at nakahanda ring tumulong ang AFP, PNP, BFP at Philippine Coast Guard sa mga lokal na pamahalaan.
#
