Nagsampa na ng pormal na reklamo si Senadora Risa Hontiveros sa Office of the Director ng National Bureau of Investigation upang imbestigahan ang mga personalidad na nasa likod ng kumalat na viral video ng dating testigo ng Senado na si Michael Maurilio, 'o si 'Alyas Rene'.
Cyber libel ang kasong isinampa ng senadora laban kay Maurillo at labing isa pang mga vloggers na sangkot umano sa pagpapakalat ng fake news.
Hiniling din ng senadora ang tulong ng NBI-Cybercrime Division sa pag-secure at pag-preserve sa mga materyales na inupload at ipinakalat ng ilang social media personalities na sina:
-Trixie Cruz-Angeles and Ahmed Paglinawan
-Krizette 'Kiffy' Chu
-Rob Rances
-Sass Rogando Sasot
-Aeron Peña alyas 'Old School Pinoy'
-Jay Sonza
-Banat By 2.0
-Tio Moreno
-Wredel Esguerra
-Joie Cruz alyas 'Joie De Vivre Every Other Day'
-Ka Eric Celiz
-Atty. Ranny Randolf B. Libayan of BATAS natin
Ayon kay Hontiveros, bilang isang public servant bukas siya sa mga kritisismo pero hinding hindi raw siya papayag sa paninira laban sa kanya lalo pa’t hindi lang siya ang tinarget kundi mga witnesses, kanyang mga staff, at senado.
Nais din ng Senadora na imbestigahan ng NBI ang mga vloggers na nagkakalat at dinadagdagan pa ang mga kasinungalingang nakalagay sa video ni Maurillo.
Posible namang madagdagan pa ang kakasuhan at kasong isasampa ng Senadora batay sa magiging resulta ng imbestigasyon ng NBI.
#
