Komo parte kan selebrasyon kan ika-128 Aldaw nin Katalingkasan sa Pilipinas, masagibo an Department of Labor and Employment nin Nationwide Trabaho Agad Job Fair sa Hunyo 12, 2026, nganing mairani sa mga Pilipino an manlain-laing oportunidad sa trabaho.
Digdi sa Bicol Region, gigibuhon an nasambit na job fair sa SM City Legazpi City, Albay, kun sain piglalaomang mapartisipar an manlain-laing kompanya asin employer na maopresir nin bakanteng posisyon para sa mga naghahanap nin mapagtatrabahuhan.
Segun sa DOLE, obheto kan programa na matawan ki mas mahiwas na access an mga Pilipino sa disente asin produktibong trabaho kasabay kan pagkomemorar kan katalingkasan kan nasyon. Pig-eengganyar man an mga aplikante na darahon an kinakaipuhang mga dokumento asin aprubetsaran an pagkakataon na ini.
Photo: DOLE
