Inamin ng National Capital Region Police Office (NCRPO) na nabigla sila sa biglaang pagtitipon ng mga miyembro ng Iglesia ni Cristo sa EDSA People Power Monument ngayong Martes.
Ayon kay NCRPO Spokesperson PMaj. Hazel Asilo, alas-3 ng madaling araw nagsimulang magtipon ang mga kalahok, at hindi umano nila inaasahang ganoon kalaki ang magiging bilang ng mga dadalo.
Bagama’t mayroon silang intelligence reports, sinabi ni Asilo na wala silang impormasyon na magkakaroon ng ganitong kalaking pagtitipon.
Iginiit naman niya na walang naging kapabayaan sa hanay ng pulisya dahil agad silang nagpatupad ng mga kinakailangang security measures.
Samantala, nagpapatuloy pa rin hanggang sa mga oras na ito ang programa sa EDSA People Power Monument.
