May na-monitor ang National Capital Region Police Office na ibang grupo sa isinagawang rally ng Iglesia ni Cristo sa EDSA People Power Monument nitong Martes.
Ayon kay NCRPO Chief PMGen. Anthony Aberin, may mga indibidwal na hindi umano kasapi ng INC ang namataan sa pagtitipon.
Aniya, mahigpit na binabantayan ng kanilang intelligence operatives ang mga ito.
Samantala, sinabi ni Aberin na kung lalampas man sa itinakdang alas-8 ng gabi ang programa sa White Plains Avenue, papayagan pa rin itong magpatuloy basta't sumusunod ang mga raliyista sa mga kondisyon ng kanilang permit at hindi nakaaabala.
Muli ring nanawagan si Aberin sa mga organizer ng INC rally na sundin ang napagkasunduan nila sa lokal na pamahalaan.
Samantala, as of 1:45 p.m., nasa humigit-kumulang 4,500 katao pa lamang ang nasa EDSA People Power Monument.
Mas mababa ito kumpara kahapon, kung saan umabot agad sa 9,000 ang bilang ng mga dumalo pagsapit pa lamang ng alas-9 ng umaga.
