Pormal na i-rere-tire ng Rain or Shine Elasto Painters ang iconic na No. 5 jersey ni Gabe Norwood bilang pagkilala sa kaniyang 17 taong tapat na serbisyo sa koponan.
Gaganapin ang espesyal na seremonya sa halftime ng laban kontra Converge upang bigyang-pugay ang karera ng 41-anyos na veteran forward na nag-anunsyo ng pagreretiro noong Oktubre 2025.
Malaki ang naging kontribusyon ni Norwood sa kasaysayan ng koponan kabilang ang pagpanalo ng dalawang kampeonato sa PBA noong 2012 Governors' Cup at 2016 Commissioner's Cup, bukod pa sa pagiging Rookie of the Year noong 2009.
