Umapela ang National Union of Journalists of the Philippines (NUJP) sa mga otoridad na tukuyin agad at panagutin ang nasa likod ng pagpatay sa radio broadcaster na si Erwin "Boy Pana" Segovia.
Sa isang pahayag, nanawagan ang NUJP sa mga mambabatas at kay Pangulong Bongbong Marcos na unahin ang mga "long-overdue" na mga hakbang para sa kaligtasan at kapakanan ng mga mamamahayag, at panagutin ang may sala sa pagpatay.
Mababatid na binaril si Segovia habang pauwi ito ng kanyang bahay matapos ang kanyang trabaho.
Sakay siya ng kanyang motor nang biglang pagbabarilin ng suspek na sakay rin sa motor.
Ang pagkamatay umano ni Segovia ay kasunod ng pattern na nagpapakita ng "longstanding climate of impunity" na nakaaapekto sa Philippine journalism.
Sa huli, idiniin ng grupo ang pagkondena nito sa insidente na siya umanong sumunod sa pagpatay sa iba pang alagad ng media gaya ng journalist na si Juan "Johnny" Dayang sa Kalibo, Aklan.
