Nag-inusara ang Nunungan sa Lanao del Norte ang gipa-ubos karon sa red-category sa election hotspot sa rehiyon, sigun sa kumpirmasyon ni Comelec 10 regional director Atty Renato Magbutay.
Gibutyag ni Atty Magbutay nga nahukman sa komisyon nga ipa-ubos red category ang lungsod human sa rekomendasyon sa Police Regional Office 10 ug 4th ID PA. Diin usa sa basehan niini mao ang init nga politika sa lungsod ug ang pag ambush-patay kang Nunungan election officer Atty Mark Orlando Vallecer II, niadtong Disyembre 2024.
Gipasabot usab niini nga hatagan sa mga otoridad og hugot nga pagbantay ang maong lungsod, sugod sa kampanya hantud nga maglampusong mahuman ang eleksyon.
