Nagdepensa ang kapulisan sa alegasyon ng sobrang paggamit ng pwersa sa pagsilbi ng arrest warrant laban kay Pastor Apollo Quiboloy.
Ayon kay Police Col. Arnold Santiago, deputy regional director for operation ng Police Regional Office (PRO) 12, sinunod nila ang standard operating procedure sa pagsilbi ng arrest warrant laban kay Quiboloy sa Kitbog, Malungon Sarangani Province.
Ngunit inamin niya na sa 700 ektaryang area of operation nila, kasama nila ang 300 pulis.
Ayon sa mga opisyal ng Kingdom of Jesus Christ (KJC) compound, walang basehan ang kapulisan sa ginawang operasyon.
Pinasok ang mga bahay sa lugar na walang pahintulot mula sa mga may-ari.
Dagdag ni William Lagunsay, residente sa lugar, dahil sa trauma ay namatay ang kanyang ama at asawa.
Alam din na kinasuhan ng kampo ni Quiboloy ang mga personahe na kasama sa nasabing operasyon, kabilang na ang dating PRO-12 regional director retired Brig. Gen Percival Augustus Placer.I Richel Gubalani
