Arestado ang singer na si Gabriel Abilla, 'o mas kilalang si 'Hev Abi'.
Batay sa insyal na impormasyon, maliban kay Abilla ay na-aresto rin ang anim na iba pa sa isinagawang Oplan Paglalansag Omega ng Criminal Investigation and Detection Group–National Capital Region (CIDG-NCR) sa Quezon City.
Ipinatupad ang search warrant kaugnay ng paglabag sa Republic Act 10591 o Comprehensive Firearms and Ammunition Regulation Act. madaling araw nitong Abril 14 sa Dr. Lazcano Street, Barangay Laging Handa, Diliman.
Sa operasyon, nasamsam ang isang G3 Taurus caliber 9mm pistol, isang magazine at 15 piraso ng live ammunition.
Si Hev Abi ay bagong OPM artist na nakilala sa mga kantang 'Para Sa Streets', 'Walang Alam', 'Alam mo ba Girl', at 'WELCOME2DTQ'; at na-feature sa 'BABAERO' ng gins&melodies.
