Umaabot sa P8,000 ang natitipid ng Zamboanga City Medical Center (ZCMC) sa gastusin sa gasolina.
Ito ay matapos silang gumamit ng biodiesel mula sa recycled cooking oil.
Ayon sa ospital, ang 10% biodiesel ay ikinakarga sa limang sasakyan bilang kapalit o halo sa commercial diesel na ginagamit ng kanilang service vehicles.
Kinokolekta ang mga nagamit na mantika mula sa Nutrition and Dietetics Department ng ospital at pinoproseso katuwang ang Philippine Coconut Authority-Zamboanga Research Center (PCA-ZRC) bago gamitin.
Bukod naman sa pagtitipid, layunin din ng programa na mabawasan ang waste cooking oil at makatulong sa mas eco-friendly na operasyon ng ospital.
