NAGA CITY- Lusot na sa ginawang special session ng Sanguniang Panlungsod ng Naga ang ordinansa na humiling ng P500.00 na fuel voucher sa mga lehitimong jeepney driver araw-araw sa loob ng isang buwan muna, ito ang kinumpirma ng Committee on Appropriations.
Ayon kay Committee Chairman Councilor Elmer Baldemoro, mahigit P4-milyong piso ang inilaan dito. Layunin nito na huwag magtaas ng pamasahe ngayong krisis, kaya tutulungan ang mga driver bunsod ng mataas na presyo ng krudo. Ang sistema, makikipag tie-up ang LGU sa mga gas stations sa loob ng isang buwan. Kooperatiba ang mamamahala sa distribusyon, habang Naga City Urban Transportation and Mobility Council at Naga City Cooperatives Development Office naman ang sa monitoring ng implementasyon. 371 ang jeep pero tinatayang 199 lamang ang kumakayod araw-araw.
Ayon kay Committee on Transport Chairman Melvin Ramon Buenafe, base sa konsultasyon sa budget office ay pondo para sa phase implementation ng emergency fuel assistance. Una nang sinabi ni Mayor Leni Robredo na mag-rerealign muna ng budget mula sa rice subsidy para sa mga tsuper na siya namang papalitan o ma-rereplenished.
