Muling sasabak sa ibabaw ng ring si Manny "PacMan" Pacquiao, 47, (62-8-3, 39 KOs) kontra kay former Russian world champion Ruslan Provodnikov, 42, (25-5, 18 KOs) sa April 18, para sa 10-round welterweight exhibition boxing match na gaganapin sa Thomas & Mack Center sa Las Vegas.
Huling lumaban si Pacman nitong Hulyo at tinapos ang apat na taong pahinga sa ring matapos makipagtuos kay Mario Barrios na nauwi sa sa kontrobersiyal na desisyon.
Ang tinaguriang "The Russian Rocky" naman ay halos 10 taon nang hindi lumalaban sa professional fight.
Sa isang statement na inilabas ni Pacquiao, sinabi niyang bitbit nito ang Pilipinas sa bawat laban at patuloy na nagbibigay-inspirasyon ang suporta ng bansa at mga tagahanga sa buong mundo.
“I carry the Philippines with me every time I fight. The support from my country and from fans around the world continues to inspire me. Returning to Las Vegas means so much to me, and I’m excited to work with a team focused on creating a world-class experience for the fans. I’m coming back to give them a great fight — and I’m ready.”
Inaasahang kabilang sa undercard ang laban para sa IBF featherweight title nina Angelo Leo at Ra'eese Aleem, matapos mapanalunan ng Manny Pacquiao Promotions ang purse bids para sa nasabing laban noong Martes, February 17.
