Binati ni Senador Robin Padilla sa kanyang social media post si dating Pangulong Rodrigo Duterte na kasalukuyang nagdiriwang ngayon ng kanyang ika-81 na kaarawan.
Sa social media post ni Padilla, sinabi niya na hindi na siya nakapagtagal sa Netherlands para ipagdiwang sana ang kaarawan ni Duterte dahil pinauwi na siya ng kanyang opisina.
Kwento pa niya, sa katunayan ay marami rin imbitasyon sa kanya na pumunta sa iba't ibang bansa para sa araw ng pagdiriwang ng kaarawan ng dating pangulo.
Ngunit hindi niya muna raw ito magagawa ngayon dahil kinakailangan niyang umantabay kung biglaang magpatawag ang Senado kung tuluyan pang iigting ang digmaan sa Gitnang Silangan.
