Idineklara ng Malacañang ang Hunyo 24, 2026 bilang special non-working holiday sa Maynila, San Juan, at Bayan ng Lian sa Batangas.
Ito ay upang mabigyan ng pagkakataon ang mga residente na makilahok sa kani-kanilang lokal na pagdiriwang.
Sa Maynila, ipagdiriwang ang ika-455 anibersaryo ng pagkakatatag ng lungsod o Araw ng Maynila, habang sa San Juan ay isasagawa ang Wattah Wattah Festival bilang paggunita kay San Juan Bautista.
Sa Lian, Batangas naman, idineklarang holiday ang araw bilang bahagi ng pagdiriwang ng Sambuhos Festival 2026 upang mabigyan ng pagkakataon ang mga Lianeño na makisali sa mga aktibidad.
Inaasahang makakatulong ang deklarasyon upang mas maging makabuluhan at maayos ang pagdiriwang ng mga nasabing okasyon sa bawat lugar.
