Iginiit ng Malacañang na bumaba ang crime rate sa bansa sa kabila ng sunod-sunod na mga krimeng naging laman ng balita nitong mga nakaraang araw.
Kabilang dito ang pagpatay sa isang marine biologist, isang vlogger, at isang motorcycle rider.
Ayon kay Palace Press Officer Claire Castro, batay daw sa datos ng Philippine National Police, bumaba ng 20.6% ang naitalang crime incidents mula 9,506 cases noong January hanggang April, ay naging 7,883 cases na lang mula April hanggang nitong July.
Gayunpaman, sinabi ni Castro na hindi ikinatutuwa ni Pangulong Ferdinand Marcos Jr ang bawat insidente ng krimen.
Kaya naman patuloy daw na pinaiigting ng PNP ang pagbabantay at pagpapabilis ng pagtugon sa mga insidente upang maprotektahan ang publiko.
