Muling iginiit ng Malacañang na si Acting Senate President Win Gatchalian lamang ang kinikilala nitong lider ng Senado sa gitna ng nagpapatuloy na sigalot sa liderato ng mataas na kapulungan.
Ito ang tugon ni Palace Press Officer Claire Castro sa mungkahi ni Senador Alan Cayetano na magkaroon ng interim arrangement kung saan kapwa pipirma at magbibigay ng sertipikasyon sina Cayetano at Gatchalian sa mga opisyal na dokumento at transaksyon ng Senado habang hindi pa naaayos ang usapin sa liderato.
Ayon kay Castro, walang maidudulot na mabuti ang ganitong setup at maaari lamang itong magdulot ng panibagong komplikasyon.
Binanggit din nya ang naging term-sharing agreement noon sa Kamara na kinasangkutan din ni Cayetano, na ayon sa opisyal ay hindi agad naipatupad.
Samantala, sinabi rin ni Castro na nasa pagpapasya na ng magkabilang jampo kung dadalhin sa Korte Suprema ang usapin sa liderato ng Senado, kasunod ng mga mungkahing doon na lamang ito resolbahin.
