Iginalang ni Pangulong Ferdinand Marcos Jr. ang ipinatutupad na kautusan ng korte kaugnay ng pag-aresto kay Senador Rodante Marcoleta.
Ito ang inihayag ni Palace Press Officer Claire Castro matapos arestuhin si Marcoleta kaninang umaga dahil sa kasong plunder.
Samantala, pinayuhan din ng Malacañang sina Marcoleta at dating Congressman Mike Defensor na sa korte na lamang depensahan ang kanilang kinahaharap na kaso.
Ito'y matapos igiit ni Defensor sa isang video message na wala umanong batayan ang isinampang kaso laban sa kanila at nauna pa silang makukulong kesa raw sa mga tunay na nagnakaw sa kaban ng bayan.
Ayon kay Castro, mas maaga sanang nagkaroon ng resolusyon ang kanilang reklamo kung nagsumite sila agad ng mga konkretong ebidensya laban sa mga taong nais nilang papanagutin at hindi lang puro pa-media.
Anya, hindi kakagatin ng korte ang mga alegasyon kung walang sapat na ebidensya.
