Muli nang masasaksihan ang pangmalakasang talento ng mga Pinoy sa pagsisimula ng Pilipinas Got Talent Season 7 ngayong darating na weekend.
Sa ginanap na media conference, ibinahagi ng Asia’s Superstar at bagong hurado na si Kathryn Bernardo kung paano maaaring makaapekto ang kanyang mga desisyon sa pangarap ng isang tao.
Para naman kay Freddie "FMG" M. Garcia, nananabik na siya sa pagtuklas ng mga bagong talento sa ikapitong season ng palabas.
Nang tanungin naman ang isa pa sa mga bagong hurado na si Donny Pangilinan kung ano ang inaasahan niya mula sa mga contestant, sinabi niya na nais niyang makakita ng performances na magpapabago sa environment ng stage.
Ang "Pilipinas Got Talent" ay ang pinakamalaking talent reality competition sa Pilipinas na nagbubukas ng entablado nito para sa mga Pinoy na may natatanging husay sa pagkanta, pagsayaw, at iba't ibang klase ng talento tulad ng magic, comedy, acrobatics at marami pa. Maglalaban-laban ang mga ito upang makamit ang pangrap bilang “Pilipinas Got Talent Grand Winner.”
