Nakiramay si Pangulong Ferdinand Marcos Jr. sa Thailand kasunod ng pagpanaw ni Princess Bajrakitiyabha Narendira Debyavati, isa sa mga prominenteng myembro ng Thai Royal Family.
Sa kanyang mensahe, ipinaabot ng Pangulo ang pakikidalamhati ng pamahalaan at sambayanang Pilipino kay King Maha Vajiralongkorn, sa Royal Family at sa mamamayan ng Thailand.
Binigyang-diin ni Pangulong Marcos ang naging ambag ng prinsesa sa serbisyo publiko at ang kanyang pagsusulong ng katarungan, dignidad ng tao at karapatan ng kababaihan.
Ayon sa Pangulo, nag-iwan ang prinsesa ng pamana na maaalala hindi lamang sa Thailand kundi maging sa pandaigdigang komunidad.
Kasabay nito, tiniyak ng Punong Ehekutibo ang pakikiisa ng Pilipinas sa Thailand sa pagdadalamhati sa pagkawala ng prinsesa at sa paggunita sa kanyang naging kontribusyon sa lipunan.
