Mag-atubang karon sa patong-patong nga kaso ang dryber-suspek sa nahitabo nga aksidente sa Brgy. Barra, Opol, Misamis Oriental nga gikamatay sa 1 ka Engineer.
Sa pakighinabi sa Brigada News kang Opol Municipal Police Station, Investigator On-Case, Police Staff Sergeant Daryl Cariliman, nga kasong reckless to imprudence resulting in homicide with multiple physical injury & damage to property ang tubagon karon sa lalaking minor de edad nga responsable.
Gawas sa usa ka nakabsan nga si Engineer Emilyn Pagaling lakip sa naka-ankon og minor injury ang unom pa ka sakop sa pamilya niini nga sakay sa SUV.
Sa karon naka kustodiya na ang suspek sa Opol MPS samtang gi andam ang mga gikinahanglang dokumento sa kaso nga atubangon niini.
