Sinaksihan ni Pangulong Ferdinand Marcos Jr. ang paglagda sa Memorandum of Understanding o MOU sa pagitan ng Philippine Chamber of Commerce and Industry o PCCI at Business Council of Canada sa Vancouver.
Layunin ng kasunduan na palakasin ang ugnayan ng mga pribadong sektor ng Pilipinas at Canada at palawakin ang kooperasyon sa kalakalan at pamumuhunan ng dalawang bansa.
Kasunod ito ng pag-angat ng ugnayan ng Pilipinas at Canada sa Strategic Partnership matapos ang bilateral meeting nina Pangulong Marcos at Canadian Prime Minister Mark Carney.
Inaasahang magsisilbing daan ang kasunduan para sa mas malawak na kolaborasyon ng mga negosyo ng dalawang bansa at pagtukoy ng mga bagong oportunidad sa mga industriya na kapwa nilang prayoridad.
