Nagluluksa ngayon ang Philippine Drug Enforcement Agency sa pagkasawi ng isa sa kanilang operatiba na si Intelligence Officer I Raffy Escobido, na nasawi habang ginagampanan ang kanyang tungkulin.
Ayon sa PDEA, tinamaan sa ulo si Escobido sa isang engkwentro laban sa dalawang armadong suspek sa isang buy-bust operation sa Calamba City, Laguna noong July 20, 2025.
Naisugod pa siya sa ospital ngunit binawian ng buhay habang nasa intensive care.
Ang mga suspek ay nakatakas at kasalukuyang tinutugis sa isang malawakang manhunt operation.
