Hindi na raw makakapag-issue ang impeachment court ng pre-trial at trial date sa house prosecution panel kahit na hilingan pa nila ito ngayon ayon kay Senate President Chiz Escudero.
Pagpapaliwanag ni Escudero, hindi na nila ito magagawa bilang mag-eexpired na sa Lunes ang kapangyarihang ibinigay sa prosecution team.
Ibig sabihin pagpatak ng June 30 ng alas dose ng tanghali hanggang July 28 ay wala ng awtorisadong tumayo bilang prosecutor.
Kaugnay nito, hindi raw sila maaring magsagawa ng pre-trial sa mga araw na iyon bilang hindi pwedeng defense team lang ang haharap sa kanila.
Ngunit sa kabila nito, sinabi naman ni Escudero na sa 20th congress ito itatakda.
Maalala, ayon kay House prosecution spokesperson Atty. Antonio Bucoy, hihilingin nilang magkaroon ng pre-trial sa impeachment court para mamarkhan na nila ang mga ebidensya at hindi na makaaksaya pa ng oras sa mismong paglilitis.
