Nagluluksa ngayon ang buong Philippine sports community sa pagpanaw ng isa nitong atleta - si Ashlyn Nicole Abong.
Mababatid na ayon kay Patrick Aquino, program director ng Gilas Women, nag-collapse si Abong habang nasa training sa National University.
Sa Facebook post ng Philippine Sports Commission (PSC), sinabi nitong kabilang si Ashlyn sa pag-abante ng national youth basketball team sa Division A ng FIBA U18 Women's Asia Cup matapos masungkit ang kampyonato sa Division B noong 2024.
Sa kanyang mga naging laban sa ibang bansa, mayroon siyang average na 7.0 points, 4.0 rebounds, at 0.4 assists.
Sa huli, nagpasalamat ang sports commission sa naging serbisyo at ambag ni Ashlyn para sa bansa.
