Kinumpirma ng PHIVOLCS na ang magnitude 5.1 na lindol na tumama sa Bogo, Cebu kahapon ay bahagi ng nagpapatuloy na aftershocks ng magnitude 6.9 na lindol noong September 2025.
Sa panayam ng Brigada NewsFM Manila kay PHIVOLCS Director Teresito Bacolcol, ipinaliwanag niyang ang pagyanig ay dulot pa rin ng aktibidad ng "Bogo Bay Fault"—ang parehong fault na nagpasimula ng malakas na lindol noong nakaraang taon.
Maaari aniyang tumagal ng ilang buwan ang aftershock sequence, kaya’t hindi pa tuluyang natatapos ang seismic activity sa lugar.
Bagama’t wala namang naitalang tsunami threat dahil sa lakas at lalim ng lindol, nagbabala pa rin ang PHIVOLCS na posible pa ring makaranas ng mga kasunod na pagyanig sa mga susunod na araw o buwan.
Patuloy na pinapayuhan ang publiko na iwasan ang pagtatayo ng mga istruktura sa ibabaw ng active fault line, dahil kahit matibay ang pagkakagawa, maaari itong masira sakaling magkaroon ng ground rupture.
