Muling pinagtibay ng Pilipinas at Canada ang layunin na matapos ngayong taon ang negosasyon para sa bilateral Free Trade Agreement ng dalawang bansa.
Sa joint press statement pagkatapos ng bilateral meeting kasama si Canadian Prime Minister Mark Carney, sinabi ni Pangulong Ferdinand Marcos Jr., bahagi ito ng pagsisikap na palawakin pa ang kalakalan at pamumuhunan ng Pilipinas at Canada.
Nagkasundo rin ang dalawang bansa na palakasin ang bilateral trade, bumuo ng mas matatag na supply chain at tutulan ang economic coercion.
Nakatakda ring makipagpulong ang Pangulo sa mga Canadian business leaders upang makahikayat ng mas maraming pamumuhunan sa mga sektor ng pagmimina, enerhiya, IT-BPM, telecommunications at financial services.
