Pinatatanggal ng Pilipinas sa China ang namataan kamakailan na floating platform sa Scarborough Shoal.
Ayon kay Department of Foreign Affairs spokesperson for the West Philippine Sea Deputy Assistant Secretary Rogelio Villanueva Jr., ikinababahala nila ang presensya ng floating platform at ng mga structure dito.
Pagdidiin ni Villanueva, nananatiling matatag ang paninindigan ng Pilipinas sa soberanya ng nito sa Bajo de Masinloc.
Tanging ang Pilipinas lang umano ang may karapatang magtayo ng mga istruktura, at magsagawa ng mga aktibidad sa lugar.
Dagdag pa nito, ang patuloy na presensya ng nasabing platform nang walang permiso ay hindi lang paglabag sa soberanya at hurisdiksyon ng Pilipinas, kung 'di inconsistent din sa international law.
Dahil dito, hinimok niya ang China na alisin ang mga structures at platform sa Bajo de Masinloc.
Gumawa na rin umano ng mga diplomatic actions ang Pilipinas sa China.
