Nabahala ang Pilipinas hinggil sa paglulunsad ng China ng isang unarmed ballistic missile sa karagatang Pasipiko bilang bahagi ng kanilang military exercise.
Sa isang pahayag, sinabi ng Department of Foreign Affairs (DFA) na nakatanggap ang mga otoridad ng bansa ng prior notification sa naturang launching noong July 5.
Kasabay nito, idiniin ng ahensya ang kahalagahan ng kalmado, secured, at stable na environment sa Indo-Pacific region.
Ang anumang aksyon umano na nakaaapekto sa katatagan ay hindi nakatutulong sa pagsusulong ng diyalogo, diplomasya, at kooperasyon.
Dahil dito nanawagan ang DFA na pairalin ang pagpipigil, panatilihin ang transparency, sundin ang mga international norms, at iwasan ang anumang hakbang na maaaring magpalala ng tensyon.
