Bukas ang Pilipinas na palawakin ang pagkuha ng petroleum products mula sa Russia.
Ito'y bilang bahagi ng pagsisikap ng pamahalaan na magkaroon ng mas maraming mapagkukunan ng enerhiya ang bansa.
Gayunpaman sinabi ni Pangulong Ferdinand Marcos Jr. na kailangan pa ring isaalang-alang ang mga geopolitical considerations bago maisakatuparan ang anumang pangmatagalang kasunduan.
Ang pahayag ng Pangulo ay kasunod ng kanyang bilateral meeting kay Russian President Vladimir Putin sa Kazan kung saan tinalakay ang kooperasyon sa sektor ng enerhiya.
Ayon sa Pangulo wala pang pinal na kasunduan sa ngayon ngunit nagpahayag na ang Russia ng kahandaang magsuplay sa Pilipinas.
Ipinaliwanag ni Pangulong Marcos na nagsimula lang kumuha ng petroleum products ang Pilipinas sa Russia nang magkaroon ng supply disruptions bunsod ng krisis sa Middle East.
Anya ad hoc o pansamantala lamang ang naging pagkuha noon ng bansa at walang nakalatag na pangmatagalang mekanismo.
Dahil dito nais ngayon ng pamahalaan na magkaroon ng mas maayos na sistema sa pag-angkat ng langis mula sa Russia upang magkaroon ang Pilipinas ng karagdagang lifeline.
Makatutulong din umano ito upang magkaroon ang bansa ng mas maraming option sakaling magkaroon muli ng pagkagambala sa pandaigdigang suplay ng enerhiya.
